Write a commentFoilsíodh “An Coimhthíoch” ceithre scór bliain ó shin – úrscéal a scríobh Séamus Mac Conmara, Gael cumasach ón Iúr a fuair bás i 1936 ar aois 27 dó.
Rugadh Séamus i 1909 agus beidh Comóradh 110 á reáchtáil ag Craobh an Iúir san Fhómhair.
Mar chuid den cheiliúradh tá comórtas ficsin curtha ar bun ag an Chraobh (Tús Scéil: Ficsean 80 Focal ) agus iarrtar ar ghaelscoileanna, scoileanna, bhaill de chiorcail léitheoireachta agus daoine aonair iarratais a chur isteach roimh 30 Meitheamh 2019.
Treoirlínte
Tá catagóirí x 5 ann: EC2, EC3, EC4/5, 18+, 80+ agus tá duais £80 in achan chatagóir
Beidh painéal measúnóirí roghnaithe ag Craobh an Iúir
Tús scéil atá i gceist – seánra ar bith
Saothar nua atá i gceist cumtha ag an údar féin amháin
Ní ceadmhach níos mó ná 80 focal a scríobh
Tá sé ceadaithe iarracht amháin a chur isteach
Thig leis an sliocht a bheith clóscríofa nó lámhscríofa
Ní cóir aon ábhar atá clúmhillteach nó a sháraíonn an dlí ar bhealach ar bith a chur isteach
Is ag na húdair atá cóipcheart ar a saothar ach tugtar cead do Chraobh an Iúir iarrachtaí a fhoilsiú ar líne
Tá pacáiste tacaíochta do scoileanna ar fáil ó Chraobh an Iúir ach é a iarraidh ó na seoltaí thíos
30 Meitheamh an spriocdháta
Is féidir iarrachtaí/foirmeacha iontrálacha a chur sa phost chuig
Ficsean 80
Coláiste Chaitríona
Bóthar an Chlochair
Ard Mhacha
BT60 4BJ
nó iad a chur chuig: gaelarasmhicardghail@gmail.com
